اۋەلى چەمپيوناتقا قاتىساتىن 12 كوماندا ەكى توپقا جىكتەلدى. «ا» توبىنا: قىرعىزستان, وزبەك- ستان, تۇركيا, اقش, تاجىكستان, موڭعوليا كوكپارشىلارى; «ب» توبىنا: قازاقستان, ازەربايجان, رەسەي, ۆەنگريا, قىتاي, اۋعانستان كوكپارشىلارى توپتاستىرىلدى. جارىس 21 تامىز كۇنى تاڭەرتەڭ باستالاتىن بولدى. دودانىڭ العاشقى كۇنى قىرعىزستان – موڭعوليا, قازاقستان – اۋعانستان, وزبەكستان – تاجىكستان, ازەربايجان – قىتاي, تۇركيا – اقش, رەسەي – ۆەنگريا ەلدەرىنىڭ كوكپارشىلارى ءوزارا مىقتىنى انىقتاسا, جارىستىڭ ەكىنشى كۇنى موڭعوليا – اقش, تاجىكستان – تۇركيا, قىرعىزستان – وزبەكستان, اۋعانستان – ۆەنگريا, قىتاي – رەسەي, قازاقستان – ازەربايجان قۇرامالارى كەزدەسەدى. جارىستىڭ ءۇشىنشى كۇنى وزبەكستان – موڭعوليا, تۇركيا – قىرعىزستان, اقش – تاجىكستان, ازەربايجان – اۋعانستان, قازاقستان – رەسەي, ۆەنگريا – قىتاي كوماندالارى اراسىندا مىقتىلار انىقتالادى. چەمپيونات تۇزىلگەن كەستە بويىنشا ءارى قاراي جالعاسىپ, ايدىڭ 24-25-ءى كۇندەرى شيرەك جانە اقتىق ويىنعا شىعاتىن كوماندالار انىقتالدى. قورىتىندى سايىس 26 تامىزعا جوسپارلانىپ وتىر.
ەكسپو-2017 حالىقارالىق مامانداندىرىلعان كورمەسى اياسىندا ۇلتتىق سپورت تۇرلەرى بويىنشا ءوتكىزىلۋى ءتيىس ءىس-شارالارىنىڭ ءبىرى – الداعى تامىز ايىنىڭ 20-28 كۇندەرىنە جوسپارلانعان كوكپاردان ءى الەم چەمپيوناتى. ۇلتتىق سپورت تۇرلەرى قاۋىمداستىعىنىڭ الدىن الا ءمالىم ەتكەن جوسپارى بويىنشا بۇل دوداعا 15 مەملەكەتتىڭ كوكپارشىلارىن قاتىستىرۋ مۇمكىندىگى بار. بىراق وتكەن اپتانىڭ ەكىنشى كۇنى ءدۇبىرلى دوداعا باق سىناۋعا 12 كوماندا تولىق نيەت ءبىلدىرىپ, ولار ەلورداداعى «قازانات» اتشابارىندا جەرەبە تارتۋ ارقىلى ءوزارا قارسىلاستارىن انىقتادى.